Amjad Islam 'Amjad'

Biography of Amjad Islam 'Amjad'

Amjad Islam Amjad (born August 4, 1944 in Sialkot) is a famous Urdu poet and lyricist from Pakistan.

He received his education in Lahore. His career started as a lecturer in M.A.O College Lahore. From 1975 to 1979 he worked as a director at Pakistan Television Corporation before returning to the College.

In 1989 he was appointed as Director General of Urdu Science Board. Currently he is the project director of the Children Library Complex. He is the author of over 40 books and received several national and PTV awards.

Amjad Islam Amjad is the writer of many drama series for Pakistan Television Corporation including the very popular "Waaris". He has written many columns, translation, criticism and essays whereas his main focus is writing Nazms. Among his most famous dramas are Waris, Dehleez, Samandar, Raat, Waqt and Apnay Loug.

In June, 2008 he joined Urdu newspaper Daily Express.

His Work Of Poetry:

*Fishar
*Barzakh
*Us par
*Satwan dar
*Zara phir say kehna
*Seher aasar
*Barish ke aawaz
*Itnay khwab kahan rakhoon
*Mairay bhe hain kuch khwab
*Hum us kay hain.

chehre pe mere zulf ko phailao kisi din
kya roz garajate ho baras jao kisi din
razon ki tarah utaro mere dil main kisi shab
dastak pe mere hath ki khul jao kisi din
peron ki tarah husn ki barish main naha lun
badal ki tarah jhum k ghir ao kisi din
Khushbu ki tarah guzro mere dil ki gali se
phulon ki tarah mujh pe bikhar jao kisi din
phir hath ko khairat mile band-e-qaba ki
phir lutf-e-shab-e-vasl ko dohrao kisi din
guzaren jo mere ghar se to ruk jayen sitare
is tarah meri rat ko chamkao kisi din
main apani har ik sans usi rat ko de dun
sar rakh k mere sine pe so jao kisi din

chand k sath kai dard purane nikle
kitne gam the jo tere gam ke bahane nikle
fasl-e gul ai phir ik bar asiran-e-vafa
apne hi khun k dariya main nahane nikle
hijr ki chot ajab sang-shikan hoti hai
dil ki befaiz zaminon se khazane nikle
umr guzri hai shab-e-tar main ankhain malte
kis ufaq se mera khurshid na jane nikle
ku-e-qatil main chale jaise shahidon ka julus
Khvab yuu bhigti ankhon ko sajane nikle
dil ne ik int se tamir kiya taj mahal
tu ne ik bat kahi lakh fasane nikle
dasht-e tanhai-e-hijranN main khara sochta hun
haye kya log mera sath nibhane nikle
main ne 'Amjad' use bevasta dekha hi nahi
vo to Khushbu main bhi ahat ke bahane nikle

chand k sath kai dard purane nikle
kitne gam the jo tere gam ke bahane nikle
fasl-e gul ai phir ik bar asiran-e-vafa
apne hi khun k dariya main nahane nikle
hijr ki chot ajab sang-shikan hoti hai
dil ki befaiz zaminon se khazane nikle
umr guzri hai shab-e-tar main ankhain malte
kis ufaq se mera khurshid na jane nikle
ku-e-qatil main chale jaise shahidon ka julus
Khvab yuu bhigti ankhon ko sajane nikle
dil ne ik int se tamir kiya taj mahal
tu ne ik bat kahi lakh fasane nikle
dasht-e tanhai-e-hijranN main khara sochta hun
haye kya log mera sath nibhane nikle
main ne 'Amjad' use bevasta dekha hi nahi
vo to Khushbu main bhi ahat ke bahane nikle

Bhir main ik ajnabi ka samana acha laga
sab se chup kar vo kisi ka dekhna acha laga
surmai ankhon k niche phul se khilne lage
kahte kahte kuch kisi ka sochna acha laga
bat to kuch bhi nahi thi lekin us ka ek dam
hath ko honton pe rakh kar rokna acha laga
chay main chini milana us ghari bhaya bahut
zer-e lab vo muskurata shukriya acha laga
dil main kitne ahad bandhe the bhulane ke use
vo mila to sab irade torna acha laga
beirada lams ki vo sansani pyari lagi
kam tavajjo ankh ka vo dekhna acha laga
nim shab ki Khamushi main bhigti sarkon pe kal
teri yadon k jalo main ghumna acha laga
us udu-e-jan ko 'Amjad' main bura kaise kahun
jab bhi aya samne vo bevafa acha laga

aisi hi sard sham thi vo bhi
jab vo mahndi rachaye hathon main
apni ahat k khauf se larazan
surkh anchal main munh chipaye hue
apne khat mujh se lene ai thi
us ki sahmi hui nigahon main
kitni khamosh iltijayen thin
us k chehre ki zard rangat main
kitni majaburiyon k saye the
mere hathon se khat pakarte hi
jane kya soch kar achanak vo
mera shana pakar kar roi thi
us k yaqut rang honthon k
kapkapate hue kinaron par
saikaron ankahe fasane the
sard shamon main der tak aksar
jab ye manzar dikhai deta hai
ek lamha hinai hathon se
mujh ko apani taraf bulata hai
hamnashin ruth kar na ja mujh se
aisi hi sard sham thi vo bhi

Aik Nazam

Ma us ka naam laita hoon
To honton par tabassum ki
Dhanak lehraane lagti hay
Ma us ko yaad karta hoon
Tu ik maanoos si khushboo
Mujhe mehkaane lagti hai
Wo mere dil ma rehta hay
Gul e umeed ke soorat
Zamaane ki shab e tareek ma
Khursheed ke soorat

Amjad Islam Amjad